«АШЫҚ ЕСІК» КҮНІ ӨТТІ

Маңғыстау облыстық онкологиялық диспансері мен Түпқараған орталық аудандық емханасында ашық есік күні өтіп, Ақтауда 61, аудан орталығында 35 адам келіп, өз денсаулығын тегін тексертіп, мамандардан ақысыз ақыл-кеңес алды, - деп хабарлайды орталықтың Баспасөз қызметі.

Диспансерге келген 2 тұрғын және ауданда тексерілген 4 адам қатерлі ісікке ауруына күдікті деп танылса, тағы 3 аудан тұрғынынан аты жаман аурудың белгілері анықталды.  Жалпы саны 25 тексерілушіден басқа сырқат түрлері табылып, олар тиісті мамандардан ақыл-кеңестер алды.

Түпқарағандық 3 тұрғынан циталогиялық жағындылар алынып, тексеруге жіберілді. Ақтауда 27, ауданда 2 адам УЗИ, сонымен қатар облыс орталығында 28 тұрғын төмен дозалы КТ аппаратынан тексеріліп, 25 адам маммография мамандарына қаралды. 

Айта кетейік, облыстық онкологиялық орталықтың басшылығы облыс орталығы мен аудандарда бір мезгілде «Ашық есік» күндерін өткізуді дәстүрге айналдырып келеді және бұл жақсы нәтижелер беріп келеді. Бұл жұмыстар болашақта да жалғасын таба бермек.